ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာန ညွန်ကြားရေးမှူးချုပ် ဦးမျိုးလှိုင်သည် ရှမ်းပြည်နယ်၊ ကရင်ပြည်နယ်နှင့် မွန်ပြည်နယ်များသို့ သွားရောက်ပြီး အားကစားကွင်းများကြည့်ရှုစစ်ဆေး

နေပြည်တော်၊ မတ်လ (၁၆)ရက်

ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာန ညွန်ကြားရေးမှူးချုပ် ဦးမျိုးလှိုင်သည် ၇.၃.၂၀၂၀ ရက်နေ့တွင် ရှမ်းပြည်နယ်၊ ရွာငံမြို့နယ် မြိုင်စံပြကျေးရွာ အားကစားကွင်းဖော်ထုတ်နေမှုကိုလည်းကောင်း၊ ရွာငံမြို့နယ်နှင့် ပင်းတယမြို့နယ် အားကစားနှင့်ကာယပညာဦးစီးဌာန ရုံးနှင့်အားကစားကွင်းများကိုလည်းကောင်း ရောက်ရှိစစ်ဆေးလမ်းညွှန်မှာကြားခဲ့ပြီး တင်ပြချက်များနှင့် လိုအပ်ချက်များအပေါ်ဖြည့်ဆည်းဆောင်ရွက်ပေးခဲ့ပါသည်။

၈.၃.၂၀၂၀ နံနက်ပိုင်းအချိန်တွင် ပြည်ထောင်စုဘတ်ဂျက်ဖြင့်ဆောင်ရွက်လျက်ရှိသော ရှမ်းပြည်နယ်တောင်ကြီးမြို့ ပြည်နယ်အားကစားကွင်း syntheticပြေးလမ်းခင်းကျင်းနေမှုကိုကြည့်ရှု့စစ်ဆေးကာ လိုအပ်သည်များကိုလမ်းညွှန်မှာကြားခဲ့ပါသည်။

ထို့နောက်ညွှန်ကြားရေးမှူးချုပ်သည် အားကစားနှင့်ကာယပညာသိပ္ပံ(တောင်ကြီး)သို့ရောက်ရှိကာ ယမန်နှစ်ကဆောင်ရွက်ပြီးစီးခဲ့သည့်တည်ဆောက်ရေးလုပ်ငန်းများကိုကြည့်ရှု့စစ်ဆေး၍ လိုအပ်သည်များအား လမ်းညွှန်မှာကြားခဲ့ပြီးလိုအပ်ချက်များအပေါ်ဖြည့်ဆည်းဆောင်ရွက်ပေးခဲ့ပါသည်။

၁၄.၃.၂၀၂၀ ရက်နေ့တွင် မွန်ပြည်နယ် ကျိုက်ထိုမြို့နယ် သိမ်းဇရပ်မြို့သို့ နံနက် (၈:၃၀)အချိန်တွင်ရောက်ရှိပြီး အားကစားကွင်း/အားကစားရုံအတွင်းရှိတည်ဆောက်ရေးလုပ်ငန်းများအား လိုက်လံကြည့်ရှုစစ်ဆေးခဲ့ပါသည်။
ဆက်လက်ထွက်ခွာရာ (၉:၅၀)အချိန် ကျိုက်ထိုမြု့နယ် ဖက္ကလိပ်ကွင်းသို့ရောက်ရှိပြီး အားကစားကွင်း/အားကစားရုံများကြည့်ရှုစစ်ဆေးပြီးလိုအပ်သည်များ မှာကြားခဲ့ပါသည်။ဆက်လက်ထွက်ခွာရာ ဘီးလင်းမြို့သို့ နံနက် (၁၀:၃၅)အချိန်ရောက်ရှိပြီး အားကစားမှူးနေအိမ်၊ ရုံး၊ အားကစားရုံးများကိုလိုက်လံကြည့်ရှုစစ်ဆေးပြီး လိုအပ်သည်များ မှာကြားခဲ့ပါသည်။ ဆက်လက်ထွက်ခွာခဲ့ရာ သထုံမြို့နယ်သို့ (၁၁:၅၀)အချိန်ရောက်ရှိရာ အားကစားကွင်း၊ ပွဲကြည့်စင်နှင့် အလေးမရုံများကို ကြည့်ရှုစစ်ဆေးပြီး လိုအပ်သည်များ မှာကြားခဲ့ပါသည်။ ဆက်လက်ထွက်ခွာလာရာ ပေါင်မြို့နယ်သို့ နေ့လယ် (၁:၄၀)အချိန်ရောက်ရှိရာ ဘောလုံးကွင်းနှင့် ပွဲကြည့်စင် တည်ဆောက်နေမှုအား လိုက်လံကြည့်ရှုစစ်ဆေးပြီး လိုအပ်သည်များ မှာကြားခဲ့သည်။ ဆက်လက်ထွက်ခွာခဲ့ရာ မော်လမြိုင်အားကစားနှင့် ကာယပညာသိပ္ပံကျောင်းသို့ (၂:၂၅)မိနစ်အချိန်ရောက်ရှိပြီး တည်ဆောက်ပြီးစီးသော အားကစားရုံခန်းမအား လိုက်လံကြည့်ရှုစစ်ဆေးခဲ့သည်။

ဘားအံမြို့သို့ ၁၅.၃.၂၀၂၀ရက်နေ့ နံနက်(၉)နာရီအချိန်တွင် ကရင်ပြည်နယ် အားကစားနှင့် ကာယပညာဦးစီးဌာနဝန်ထမ်းများ ဘားအံခရိုင်/ဘားအံမြို့နယ် ဝန်ထမ်းများနှင့်တွေ့ဆုံ၍ ရုံးအတွင်း လိုက်လံကြည့်ရှုစစ်ဆေးပြီး လိုအပ်သည်များကို မှာကြားခဲ့သည်။

ထိုနောက် ပြည်နယ်အားကစားခန်းမနှင့် တည်ဆောက်ပြီးစီးပြီးဖြစ်သည့် ပြည်နယ်အားကစားသမားများတည်းခိုဆောင်ရှိ ဂျူဒိုလေ့ကျင့်ရေးခန်းမနှင့် ကာယဗလလေ့ကျင့်ရေးခန်းများသို့ ကြည့်ရှုပြီးလိုအပ်သည်များကို မှာကြားခဲ့သည်။

ဆက်လက်၍ အောင်သံလွင်အားကစားကွင်းအတွင်း ပြည်ထောင်စုဘတ်ဂျက်ဖြင့်တည်ဆောက်လျှက်ရှိသည့် Synthetic ပြေးလမ်းခင်းခြင်းလုပ်ငန်းအား ကြည့်ရှုစစ်ဆေးပြီး လိုအပ်သည်များမှာကြားခဲ့သည်။