skip to content
 
နေပြည်တော်၊ စက်တင်ဘာလ (၁၁) ရက်။ 
 
ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာနနှင့် မြန်မာနိုင်ငံဘောလုံးအဖွဲ့ချုပ်တို့ ပူးပေါင်း၍ ၂ဝ၁၈ခုနှစ်၊ တိုင်းဒေသကြီးနှင့်ပြည်နယ် အသက်(၁၇)နှစ်အောက်ဘောလုံးပြိုင်ပွဲ အုပ်စုပွဲစဉ်များကို ယနေ့နံနက်(၇:ဝဝ)နာရီအချိန်တွင် နေပြည်တော် ဝဏ္ဏသိဒ္ဓိကွင်း(၃)တွင် မကွေးတိုင်းဒေသကြီးအသင်းနှင့် ကချင်ပြည်နယ်အသင်းတို့ယှဉ်ပြိုင်ကြရာ မေကွေး တိုင်းဒေသကြီးအသင်း မှကချင်ပြည်နယ် အသင်းကို (၄)ဂိုး(၃)ဂိုးဖြင့်လည်းကောင်း၊ ညနေ(၃)နာရီ အချိန် ဝဏ္ဏသိဒ္ဓိကွင်း(၁)တွင် ရခိုင်ပြည်နယ်အသင်းနှင့် ရှမ်းပြည်နယ်အသင်း တို့ယှဉ်ပြိုင်ကြရာ (၄)ဂိုးစီ သရေဖြင့်လည်းကောင်း၊ ဝဏ္ဏသိဒ္ဓိကွင်း(၃)တွင် ကယားပြည်နယ်အသင်းနှင့် ဧရာဝတီတိုင်းဒေသကြီးအသင်း တို့ယှဉ်ပြိုင်ရာ ကယားပြည်နယ်အသင်းမှ ဧရာဝတီတိုင်းဒေသအသင်းကို (၃)ဂိုး(၂)ဂိုးဖြင့်လည်းကောင်း အသီးသီးအနိုင်ရရှိသွားပါသည်။
 
 
(၁၂.၉.၂ဝ၁၈)ရက်နေ့ပြိုင်ပွဲပွဲစဉ်များအဖြစ် နံနက်(၇)နာရီအချိန်တွင် နေပြည်တော်ဝဏ္ဏသိဒ္ဓိကွင်း(၃) တွင် ရန်ကုန်တိုင်းဒေသကြီးအသင်းနှင့် ပဲခူးတိုင်းဒေသကြီးအသင်း၊ ညနေ(၃)နာရီအချိန်တွင် ဝဏ္ဏသိဒ္ဓိကွင်း(၁)တွင် ချင်းပြည်နယ်အသင်းနှင့် စစ်ကိုင်းတိုင်းဒေသကြီးအသင်း၊ ဝဏ္ဏသိဒ္ဓိကွင်း(၃)တွင် နေပြည်တော်အသင်းနှင့် တနင်္သာရီတိုင်းဒေသကြီးအသင်းတို့သည် အသီးသီးယှဉ်ပြိုင်ကစားကြမည်ဖြစ်ပါသဖြင့် အားကစားကို စိတ်ပါဝင်စား သောမိဘပြည်သူများအနေဖြင့် မည်သူမဆို အခမဲ့ လာရောက်ကြည့်ရှုနိုင်ပါကြောင်း သိရှိရပါသည်။
 
  • 4 reads
  • Printer-friendly version

back to top
Eng