နမ့်စန်(တ) ဒီဇင်ဘာ ၁၇
ရှမ်းပြည်နယ်တောင်ပိုင်း လွိုင်လင်ခရိုင် နမ့်စန်မြို့နယ်တွင် မြို့နယ်အဆင့် ကျောင်းပေါင်းစုံ ပြေးခုန်ပစ်အားကစားစွမ်းရည်ပြိုင်ပွဲများကို ယမန်နေ့ နံနက်ပိုင်းမှစတင်၍ နမ့်စန်အ.ထ.က ကျောင်း အားကစားကွင်းတွင် ကျင်းပခဲ့သည်။
ဒီဇင်ဘာလ ၁၆ ရက်နေ့တွင် မူလတန်းအဆင့် ကျား/မ မီတာ (၅၀/၇၅/ ၁၀၀) ရိုးရိုးပြေး ၊ အလျားခုန် ၊ အမြင့်ခုန် ပြိုင်ပွဲတို့ကို ကျင်းပခဲ့ပြီး ဒီဇင်ဘာ ၁၇ ရက်နေ့တွင် အလယ်တန်းနှင့် အထက်တန်းအဆင့် ကျား/မ မီတာ(၁၀၀/၂၀၀/၄၀၀/၈၀၀)ရိုးရိုးပြေး ၊ မီတာ (၁၀၀x၄)၊(၄၀၀x၄) လက်ဆင့် ကမ်းအပြေး ၊ အလျားခုန် ၊ တန်းမြင့်ခုန်၊ သံလုံးပစ်၊သံပြားပစ်နှင့် လှံတံပစ်ပြိုင်ပွဲ များကို ကျင်းပခဲ့ရာ နမ့်စန်မြို့နယ်အတွင်းရှိအခြေခံပညာကျောင်းများမှ ကျောင်းသား ကျောင်းသူ ဦးရေ ၇၀၀ ကျော် ပါဝင်ယှဉ်ပြိုင်ခဲ့ကြသည်။
အဆိုပါ အားကစားပြိုင်ပွဲများတွင် ဆုရရှိသူများကို မြို့နယ်စုံညီပွဲတော် အခမ်းအနားတွင် ဆုများပေးအပ်ချီးမြှင့်သွားမည်ဖြစ်ကြောင်း ဒုတိယမြို့နယ်ပညာရေးမှူး ဦးအောင်ဆန်းမင်း ထံမှ သိရသည်။
သူရအောင်(ပြန်/ဆက်)
