မတူပီ
မတူပီမြို့၌ ဒီဇင်ဘာ(တတိယပတ်) လူထုလှုပ်ရှားအားကစား စုပေါင်းလမ်းလျှေက်ပွဲကို ယနေ့နံနက် ၆ နာရီအချိန်က ကျင်းပရာ စုရပ်ရှစ်လမ်းဆုံနေရာမှ မင်းတပ်-မတူပီ လမ်းဆုံအထိ ထိုမှတစ်ဆင့် မတူပီ-ပလက်ဝလမ်းအတိုင်း ဗိုလ်တိုက်ချွန်း အားကစားကွင်းအထိ စုပေါင်းလမ်းလျှောက်ခဲ့ကြကြောင်း သိရသည်။
အဆိုပါ စုပေါင်းလမ်းလျှောက်ပွဲတွင် မြို့နယ်အုပ်ချုပ်ရေးမှူး ဦးအောင်မြင့်ကျော်၊ ပြည်နယ် လွှတ်တော်ကိုယ်စားလှယ် ဦးအောင်လျန်၊ မြို့နယ်အဆင့် ဌာနဆိုင်ရာဝန်ထမ်းများ၊ ရပ်ကွက်နေ ပြည်သူများနှင့် ကျောင်းသူကျောင်းသားများ ၅၀ဝ ဦးခန့် ပါဝင်ခဲ့ကြပြီး ဗိုလ်တိုက်ချွန်းအားကစားကွင်း၌ ကိုယ်လက်လှုပ်ရှား အားကစား စုပေါင်းလုပ်ဆောင်ခဲ့ကြသည်။
ထို့နောက် စုပေါင်းလမ်းလျှေက်ပွဲတွင် ပါဝင်သူများအား မတူပီခရိုင်ရဲတပ်ဖွဲ့က မုန့်နှင့် လက်ဖက်ရည် တိုက်ကျွေးပြီး ကလေးငယ်များအတွက် မုန့်စားပြိုင်ပွဲကို မြို့နယ်အားကစားနှင့် ကာယပညာဦးစီးဌာန က ဆက်လက်ကျင်းပပေးခဲ့ကြောင်း သိရသည်။
ဆလိုင်းအောင် (ပြန်/ဆက်)
