တောင်ကြီး ဒီဇင်ဘာ ၂၂
ရှမ်းပြည်နယ်(တောင်ပိုင်း) တောင်ကြီးမြို့တွင် ဒီဇင်ဘာလ တတိယပတ် လူထုလမ်းလျှောက်ပွဲ ကို ယမန်နေ့ နံနက် ၅ နာရီခွဲတွင် ရှမ်းပြည်နယ်လေ့ကျင့်ရေးအားကစားရုံရှေ့တွင် စုရပ်ထား၍ ရှမ်းပြည်နယ်အစိုးရအဖွဲ့ ပြည်နယ် စည်ပင်သာယာရေးဝန်ကြီး ဦးစိုင်းစွံဆိုင်းက သေနတ်ပစ်ဖောက် ၍ ပြည်နယ်လေ့ကျင့်ရေး အားကစားရုံရှေ့မှ စတင်ထွက်ခွာ၍ ဘုရာနောင် လမ်းမှ ဗိုလ်ချုပ်အောင်ဆန်းလမ်းတစ်လျှောက်၊ စူဠာမုနိစေတီရင်ပြင် တော်အထိ စုပေါင်းလမ်းလျှောက်ခဲ့ကြသည်။
စူဠာမုနိစေတီတော်ရင်ပြင်တွင စုပေါင်းကိုယ်လက်ကြံ့ခိုင်ရေးလေ့ကျင့်ခန့်အတွဲအမှတ် (၁၊၂)များဖြင့် ကျန်းမာရေးအားကစားများ ပြုလုပ်ခဲ့ကြသည်။ ရှမ်းပြည်နယ် အစိုးရအဖွဲ့ ပြည်နယ်စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်၊ ပြည်နယ် လမ်းပန်းဆက်သွယ်ရေးဝန်ကြီး ဦးခွန်ရဲထွေး ၊ပြည်နယ်စည်ပင် သာယာရေးဝန်ကြီး ဦးစိုင်းစွံဆိုင်း၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာများ၊ တောင်ကြီးမြို့ ပေါ်ရှိ ရပ်ကွက်နှင့် ကျေးရွာမှ ပြည်သူလူထုများ၊ အရပ်ဘက်လူမှုအဖွဲ့ အစည်းများ၊ ကျောင်းသား၊ကျောင်းသူများ၊ ဆရာ၊ ဆရာမများ၊ အားကစား ဝါသနာရှင်များက ပါဝင် ဆင်နွှဲခဲ့ကြကြောင်း သိရသည်။
စိုင်းသန်းကျော်(တောင်ကြီး)
