အမေရိကန်နိုင်ငံတွင်ကျင်းပပြုလုပ်သည့် World Junior Golf Series - 2017 American Junior ပြိုင်ပွဲတွင် ပထမဆုရခဲ့သော ဟိန်းစည်သူအား ဂုဏ်ပြုခြင်းနှင့် Phyo Si Thu Teak Plantation (Myanmar) & Bago Yoma Eco Resort (Myanmar) က ဂေါက်သီးအဆင့်အတန်းပိုမိုအောင်မြင်စေ

 

 

မြန်မာနိုင်ငံဂေါက်သီးအဖွဲ့ချုပ်မှ အမေရိကန်နိုင်ငံတွင် ကျင်းပပြုလုပ်သည့် World Junior Golf Series - 2017 American  Junior   ပြိုင်ပွဲတွင် ပထမဆုရခဲ့သော ဟိန်းစည်သူအား ဂုဏ်ပြုခြင်းနှင့် Phyo Si Thu Teak Plantation (Myanmar) & Bago Yoma Eco Resort (Myanmar) က ဂေါက်သီးအဆင့် အတန်းပိုမိုအောင်မြင်စေရန် Sponsor အဖြစ် အသိအမှတ်ပြု လက်မှတ်ရေးထိုးခြင်း အခမ်းအနားကို ယနေ့နံနက်(၉)နာရီအချိန်က ရန်ကုန်မြို့ ပြည်လမ်းမရှိ Novotel Yangon Max Hotel  ရှိ မန္တလေးခန်းမ၌ကျင်းပရာအားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးမျိုးလှိုင် ၊ မြန်မာနိုင်ငံဂေါက်သီးအဖွဲ့ချုပ် နာယက ဗိုလ်ချုပ်ဝင်းလှိုင်(ငြိမ်း)  မြန်မာနိုင်ငံဂေါက်သီးအဖွဲ့ချုပ်ဥက္ကြ ဦးကိုကိုအေး၊ ဒုတိယဥက္ကဌ ဦးအောင်ကြည် နှင့်အမှုဆောင်များ၊ ပထမဆုရရှိခဲ့သော ဟိန်းစည်သူနှင့် Professional ကစားသမားရဲထက်အောင်၊ ဖိတ်ကြားထားသော သတင်းနှင့်စာနယ်ဇင်မီဒီယာများ၊  ဖိတ်ကြားထားသော ဧည့်သည်တော် များတက်ရောက်ကြသည်။

 

ရှေးဦးစွာ မြန်မာနိုင်ငံဂေါက်သီးအဖွဲ့ချုပ်နာယက ဗိုုလ်ချုပ်ဝင်းလှိုင်(ငြိမ်း) က အမှာစကားပြောကြားပြီး မြန်မာနိုင်ငံဂေါက်သီးအဖွဲ့ချုပ်ဒုတိယဥက္ကြ ဦးအောင်ကြည် က ဂုဏ်ပြု အမှာစကားပြောကြားခဲ့သည်။ 

 

မြန်မာနိုင်ငံဂေါက်သီးအဖွဲ့ချုပ်ဥက္ကဌ  Phyo Si Thu Teak Plantation (Myanmar) & Bago Yoma Eco Resort (Myanmar) မန်နေဂျင်ဒါရိုက်တာ ဦးကိုကိုအေးက အမေရိကန်နိုင်ငံ World Golf Village  ဂေါက်ကွင်း၌ ဒီဇင်ဘာလ(၂၈)ရက်နေ့ မှ (၃ဝ)ရက်နေ့အထိ ကျင်းပပြုလုပ်သည့် World Junior Golf Series - 2017 American  Junior ပြိုင်ပွဲတွင် ပထမဆုရရှိခဲ့သော ဟိန်းစည်သူ၊ အဆင့်(၉)ရရှိသော ဖူးပွင့်ရတီခိုင်၊ အဆင့်(၂၉)ရရှိသော ကောင်းမြတ်ကျော်၊ အဆင့်(၃၁)ရရှိသော ဖြိုးဇံ၊ အဆင့်(၃၂)ရရှိသော မင်းသံလွင်အောင်တို့ အားဂုဏ်ပြုဆုတံဆိပ်များပေးအပ်ခဲ့ပြီး  လက်မှတ်ရေးထိုးပွဲနှင့်ပတ်သက်၍ ရှင်းလင်းပြောကြားကာ Professional ကစားသမား ရဲထက်အောင်အား အသိသက်သေများနှင့် Sponsor  အဖြစ်အသိအမှတ်ပြု လက်မှတ်ရေးထိုးခဲ့သည်။

 

 

ဆက်လက်၍ Phyo Si Thu Teak Plantation (Myanmar) & Bago Yoma Eco Resort (Myanmar) ဒါရိုက်တာ ဦးကျော်ကိုကိုချစ် က Professional ကစားသမား ရဲထက်အောင် နှင့် ဟိန်းစည်သူတို့ထံ  အင်္ကျီ နှင့်ဦးထုတ်တို့အား ဂုဏ်ပြု လက်ဆောင်ပေးခဲ့သည်။ 

 

ယင်းနောက် ကစားသမားဟိန်းစည်သူ၏ လူငယ်ကစားသမားဘဝပြိုင်ပွဲများတွင် အုပ်ချုပ်သူအဖြစ် လိုက်ပါဆောင်ရွက်ပေးခဲ့သည့် မြန်မာနိုင်ငံဂေါက်သီးအဖွဲ့ချုပ် တွဲဘက် အထွေထွေ အတွင်းရေးမှူးအဖြစ်တာဝန်ထမ်းဆောင်ခဲ့သော ဦးမျိုးထွန်း(ခ) ဦးပီတာက ဂုဏ်ပြု စကားပြောကြားကာ  Professional  ကစားသမား ရဲထက်အောင် ကကျေးဇူးတင်စကားပြန်လည် ပြောကြားခဲ့ပြီးအမှတ်တရ မှတ်တမ်းတင်ဓါတ်ပုံရိုက်ခဲ့ကြသည်။