skip to content
 
 
 
နေပြည်တော်၊သြဂုတ်(၂၄)ရက်။
 
ထိုင်းနိုင်ငံ၊ ပတ္တရားမြို့တွင်ကျင်းပပြုလုပ်သော (၁၄)ကြိမ်မြောက် ကမ္ဘာ့နဂါးလှေချန်ပီယံရှစ်ပြိုင်ပွဲ စတုတ္ထမြောက်နေ့ပွဲစဉ်များအဖြစ် မီတာ ၂၀၀ ပွဲစဉ်များကို ဆက်လက် ကျင်းပပြုလုပ်ရာ ပွဲ(၄)မျိုး၌ ပါ၀င်ယှဉ်ပြိုင်ခဲ့သော မြန်မာအသင်းသည် ရွှေတံဆိပ်(၁)ခု၊ ငွေတံဆိပ်(၁)ခု နှင့် ကြေးတံဆိပ်(၂)ခုထပ်မံဆွတ်ခူးရရှိခဲ့ပါသည်။
 
မြန်မာအသင်းသည် ရွှေတံဆိပ်ဆုကို အသက်(၂၄)နှစ်အောက် အမျိုးသမီးအသင်းကဆွတ်ခူးပေးခဲ့ ခြင်းဖြစ်သည်။မြန်မာ ယူ(၂၄) အမျိုးသမီးအသင်းသည် ဒေသစံတော်ချိန်ညနေ(၃)နာရီ (၃၄)မိနစ်က ပြု လုပ်သော အသက်(၂၄)နှစ်အောက် မီတာ ၂၀၀ ပွဲစဉ်၌ စံချိန်(၀၀မိနစ် ၅၄ဒသမ ၄၁၇စက္ကန့်)ဖြင့် ပထမ နေရာပန်း၀င်ကာ ပထမဆုကိုရရှိခဲ့ခြင်းဖြစ်ပါသည်။ယခုပွဲစဉ်သည် နှစ်ကြိမ်ယှဉ်ပြိုင်ရသော ပွဲစဉ်ဖြစ်ရာ ပ ထမအကြိမ်ပွဲစဉ်၌လည်း စံချိန်(၅၅ဒသမ ၁၂၅စက္ကန့်)ဖြင့် မြန်မာယူ(၂၄)အမျိုးသမီးအသင်း ပန်း၀င်ခဲ့ သည်။ ယခုပွဲစဉ်၌ မြန်မာအသင်းက ပထမ၊ အိမ်ရှင်ထိုင်းအသင်းက ဒုတိယ၊ အမေရိကန်အသင်းက တတိယရရှိခဲ့သည်။
 
ယခုရွှေတံဆိပ်သည် မြန်မာယူ(၂၄)အမျိုးသမီးအသင်းအတွက် ဒုတိယမြောက်ရွှေတံဆိပ်ဖြစ်ပြီး မြန်မာအသင်းအတွက် တတိယမြောက် ရွှေတံဆိပ်လည်းဖြစ်သည်။ မြန်မာယူ(၂၄)အမျိုးသမီးအသင်းသည် သြဂုတ်(၂၁)ရက်နေ့တွင် ယှဉ်ပြိုင်ခဲ့သော ပြိုင်ပွဲပထမနေ့၌ ပထမဆုံးရွှေတံဆိပ် ရရှိခဲ့ခြင်းဖြစ်သည်။
 
ဒေသစံတော်ချိန် ညနေ(၃)နာရီ (၂၆)မိနစ်တွင် ကျင်းပပြုလုပ်သော အသက်(၂၄) နှစ်အောက် အိုးပင်း(အမျိုးသား)ပြိုင်ပွဲ ပွဲစဉ်တွင် မြန်မာအသင်းက စံချိန်(၁မိနစ် ၄၀ဒသမ ၀၉၃စက္ကန့်) ဖြင့် ဒုတိယငွေတံဆိပ်ဆု၊ အိမ်ရှင်ထိုင်းအသင်းက ပထမ၊ တရုတ်(ဟောင်ကောင်) အသင်းက တတိယရရှိခဲ့ပါ သည်။
 
နံနက်ပိုင်းပွဲစဉ်များအား ဒေသစံတော်ချိန် နံနက်(၉)နာရီတွင် ကျင်းပပြုလုပ်ရာ ဏမနာငနမ အမျိုးသား/ အမျိုးသမီးအရော မီတာ ၂၀၀ ပွဲစဉ်၌ စံချိန်(၅၁ဒသမ ၃၅စက္ကန့်)ဖြင့် မြန်မာအသင်းက တတိယကြေးတံဆိပ်ဆု၊ အိမ်ရှင် ထိုင်းအသင်းက ပထမ၊ ကနေဒါအသင်းက ဒုတိယရရှိခဲ့သည်။
 
နံနက်ပိုင်းပွဲစဉ်များအား ဒေသစံတော်ချိန် နံနက်(၉)နာရီ (၃၈)မိနစ်တွင် ကျင်းပပြုလုပ်ရာ အသက်(၂၄) နှစ်အောက် အမျိုးသား/အမျိုးသမီးအရော မီတာ ၂၀၀ ပွဲစဉ်၌လည်း မြန်မာအသင်း တတိယကြေးတံဆိပ်ဆု ရရှိခဲ့သည်။ ယင်းပွဲစဉ်သည် နှစ်ကြိမ်ယှဉ်ပြိုင်ရသော ပွဲစဉ်ဖြစ်ပြီး မြန်မာအသင်း သည် ပထမအကြိမ်၌ စံချိန် (၅၁ဒသမ ၆၃၇ စက္ကန့်)၊ ဒုတိယအကြိမ်၌ စံချိန်(၅၃ဒသမ ၃၁၈စက္ကန့်)ဖြင့် တတိယကြေးတံဆိပ်ဆု၊ ကနေဒါအသင်းက ပထမ၊ အိမ်ရှင် ထိုင်းအသင်းက ဒုတိယ ရရှိခဲ့သည်။
 
မြန်မာအသင်းသည် ပြိုင်ပွဲပထမနေ့ သြဂုတ်(၂၁)ရက်မှ ပြိုင်ပွဲစတုတ္ထနေ့ သြဂုတ်(၂၄)ရက်နေ့အထိ ပြိုင်ပွဲ(၁၂)မျိုး၌ ပါ၀င်ယှဉ်ပြိုင်ခဲ့ရာ ရွှေတံဆိပ်(၃)ခု၊ ငွေတံဆိပ်(၃)ခု နှင့် ကြေးတံဆိပ်(၅)ခု စုစုပေါင်း ဆုတံဆိပ် (၁၁)ခု ဆွတ်ခူးရရှိထားသည်။
 
ပြိုင်ပွဲနောက်ဆုံးရက်ဖြစ်သည့် သြဂုတ်(၂၅)ရက်နေ့တွင် ဆက်လက်ကျင်းပမည့် မီတာ ၅၀၀ ပွဲစဉ် များကို ဆက်လက်ယှဉ်ပြိုင်မည်ဖြစ်ကြောင်းသိရှိရပါသည်။
 
  • 1 read
  • Printer-friendly version

back to top
Eng