skip to content
 
နေပြည်တော်၊ စက်တင်ဘာလ (၂၇) ရက်။ 
 
ကျန်းမာရေးနှင့်အားကစားဝန်ကြီးဌာန၊ အားကစားနှင့်ကာယပညာဦးစီးဌာနနှင့် မြန်မာနိုင်ငံလက်ဝှေ့အဖွဲ့ချုပ်တို့ ပူးပေါင်း၍ ၂ဝ၁၈ခုနှစ်၊ တိုင်းဒေသကြီးနှင့်ပြည်နယ် လက်ဝှေ့ပြိုင်ပွဲကို ယနေ့ နေ့လည် (၂)နာရီအချိန်တွင် ဝဏ္ဏသိဒ္ဓိအားကစားလက်ဝှေ့ရုံ၌ ကျင်းပပြုလုပ်ရာ နေပြည်တော်တိုင်း တိုင်းမှူးဗိုလ်ချုပ်မြင့်မော်၊ ဒုတိယတိုင်းမှူး ဗိုလ်မှူးချုပ်မောင်မောင်၊ အားကစားနှင့်ကာယပညာဦးစီးဌာန ညွှန်ကြားရေးမှူးချုပ်ဦးမျိုးလှိုင်နှင့် တာဝန်ရှိသူများနှင့်  မြန်မာနိုင်ငံလက်ဝှေ့အဖွဲ့ချုပ် ဒုတိယ ဥက္ကဌ ဦးအောင်နိုင်နှင့် တာဝန်ရှိသူများ တက်ရောက်ကြည့်ရှု အားပေးခဲ့ပါသည်။
 
 
 
ပြိုင်ပွဲများအဖြစ် အမျိုးသမီး(၄၅)ကီလိုတန်းတွင် စုသျှားညို (တနင်္သာရီ)နှင့် ထက်နွမ်းကိန်း (ချင်း) တို့ယှဉ်ပြိုင်ရာ စုသျှားညို (တနင်္သာရီ) မှလည်းကောင်း၊ အမျိုးသမီး(၄၈)ကီလိုတန်းတွင် မြမိုးသူ (ရန်ကုန်) နှင့် ယှဉ်ယှဉ်အောင်(စစ်ကိုင်း) တို့ယှဉ်ပြိုင်ရာ  မြမိုးသူ (ရန်ကုန်) မှလည်းကောင်း၊ အမျိုးသမီး(၅၄)ကီလိုတန်းတွင် အိဖြူထွေး(တနင်္သာရီ) နှင့် ဗျားမြာ(ကယား)တို့ ယှဉ်ပြိုင်ရာတွင် အိဖြူထွေး(တနင်္သာရီ) မှလည်းကောင်း၊ အမျိုးသမီး(၆ဝ)ကီလိုတန်းတွင် အေမွေဟွမ်( ရှမ်း) နှင့် သိင်္ဂီငြိမ်း( တနင်္သာရီ) တို့ ယှဉ်ပြိုင်ရာတွင် အေမွေဟွမ်( ရှမ်း) မှလည်းကောင်း၊ အမျိုးသား(၄၆)ကီလိုတန်းတွင် တင်အောင်လင်း(ကချင်) နှင့် ရဲသူရအောင် (စစ်ကိုင်း) နှင့် တို့ယှဉ်ပြိုင်ရာ တင်အောင်လင်း(ကချင်) မှလည်းကောင်း၊ အမျိုးသား (၅၂) ကီလိုတန်းတွင် ချစ်စန်းမောင် (တနင်္သာရီ)နှင့် သူရ(ရန်ကုန်)တို့ယှဉ်ပြိုင်ရာ ချစ်စန်းမောင် (တနင်္သာရီ) မှ လည်းကောင်း၊ အမျိုးသား (၅၆) ကီလိုတန်းတွင် ရဲသီဟ(ရန်ကုန်)နှင့်  ထွန်းလူရွှေ (ပဲခူး) တို့ ယှဉ်ပြိုင်ရာ ရဲသီဟ (ရန်ကုန်) မှ လည်းကောင်း၊ အမျိုးသား(၆ဝ)ကီလိုတန်း တွင် တွယ်တာ(တနင်္သာရီ)နှင့် မင်းနိုင်ကျော်ဇော (ရန်ကုန်)တို့ယှဉ်ပြိုင်ရာ တွယ်တာ (တနင်္သာရီ) လည်းကောင်း၊ အမျိုးသား(၆၉)ကီလိုတန်းတွင် ကျော်ခိုင်ထွန်း (မွန်) နှင့် ထွန်းလှ (ရန်ကုန်)  တို့ ယှဉ်ပြိုင်ရာ  ကျော်ခိုင်ထွန်း (မွန်)  မှ လည်းကောင်း၊ အမျိုးသား(၇၅)ကီလိုတန်းတွင် ရဲဝင်းအောင် (တနင်္သာရီ)နှင့်  အောင်ချမ်းဦး(ရန်ကုန်) တို့ယှဉ်ပြိုင်ရာတွင် ရဲဝင်းအောင် (တနင်္သာရီ) မှလည်းကောင်း၊  ထက်အာကာနိုင် (ရန်ကုန်) နှင့် မင်းမင်းစိုး (တနင်္သာရီ)တို့ ယှဉ်ပြိုင်ရာတွင် ထက်အာကာနိုင် (ရန်ကုန်) မှ လည်းကောင်း အသီးသီးအနိုင်ရ ဗိုလ်စွဲခဲ့ပါသည်။
 
 
ပြိုင်ပွဲများအပြီး ဆုပေးပွဲအခမ်းအနားကို ကျင်းပပြုလုပ်ရာတွင် အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးမျိုးလှိုင်မှ အမျိုးသား(၄၆)ကီလိုတန်းတွင် ပထမ တင်အောင်လင်း(ကချင်)၊ ဒုတိယ ရဲသူရအောင်(စစ်ကိုင်း)နှင့် ပူးတွဲ တတိယ ဇော်မင်းသိန်း(ရခိုင်) ဆက်နိုင်(နေပြည်တော်) နှင့် အမျိုးသား (၅၂) ကီလိုတန်းတွင် ပထမ ချစ်စမ်းမောင် (တနင်္သာရီ) ၊ဒုတိယ သူရ (ရန်ကုန်) ၊ပူးတွဲ တတိယ စောမောင်ချဲ (ကရင်) နေလင်းစိုး(မွန်) တို့အား ဆုများကိုချီးမြှင့်ခဲ့ပြီး အမျိုးသမီး (၄၅)ကီလိုတန်း၊ (၄၈)ကီလိုတန်း ၊ (၅၄)ကီလိုတန်း၊ (၆ဝ)ကီလိုတန်း ၊ အမျိုးသား (၅၆)ကီလိုတန်း၊ (၆ဝ)ကီလိုတန်း၊ (၆၉)ကီလိုတန်း၊ (၇၅)ကီလိုတန်းနှင့် (၈၁)ကီလိုတန်းများတွင် ဆုရရှိသူများအား တာဝန်ရှိသူများမှ ဆုများ အသီးသီးချီးမြှင့်ခဲ့ကြောင်း သတင်းရရှိပါသည်။
 
(၂၈.၉.၂ဝ၁၈) ရက်နေ့ ဗိုလ်လုပွဲ ပွဲစဉ်များအဖြစ် အမျိုးသမီး (၅၁)ကီလို၊ (၅၇)ကီလို၊ အမျိုးသား ပွဲစဉ်များအဖြစ် (၄၉)ကီလို နှင့် (၆၄)ကီလိုတန်းများကို နေ့လည်(၂)နာရီအချိန်မှစ၍ ဝဏ္ဏသိဒ္ဓိအားကစား လက်ဝှေ့ရုံ၌ ဆက်လက်ယှဉ်ပြိုင် ကစားကြမည်ဖြစ်ပြီး ပြိုင်ပွဲများအပြီး ဆုပေးပွဲအခမ်းအနားကို ကျင်းပပြုလုပ်မည် ဖြစ်ပါသဖြင့် အားကစားကို စိတ်ပါဝင်စားသော မိဘပြည်သူ များအနေဖြင့် မည်သူမဆို အခမဲ့ လာရောက်ကြည့်ရှုနိုင်ပါကြောင်း သိရှိရပါသည်။
 
  • 10 reads
  • Printer-friendly version

back to top
Eng