၂ဝ၁၈ ခုနှစ်၊ တိုင်းဒေသကြီးနှင့်ပြည်နယ် ဘတ်စကက်ဘောပြိုင်ပွဲတွင် အမျိုးသားတံခွန်စိုက်ဆုဖလား ရှမ်းပြည်နယ်အသင်းမှဆွတ်ခူးရရှိ၊ အမျိုးသမီးတံခွန်စိုက်ဆုဖလား စစ်ကိုင်းတိုင်းဒေသကြီးအသင်းမှဆွတ်ခူးရရှိ

 

 

 

 

ထို့နောက် အမျိုးသမီးဗိုလ်လုပွဲယှဉ်ပြိုင်ရာ စစ်ကိုင်းတိုင်းဒေသကြီးအသင်းမှ ရန်ကုန်တိုင်းဒေသကြီး အသင်းကို (၇၂)မှတ်(၅၃)မှတ်ဖြင့် လည်းကောင်း၊ အမျိုးသားဗိုလ်လုပွဲ ယှဉ်ပြိုင်ရာ ရှမ်းပြည်နယ်အသင်းမှ မန္တလေးတိုင်းဒေသကြီးအသင်းကို (၇၅)မှတ် (၆၉)မှတ်ဖြင့် လည်းကောင်း အသီးသီး အနိုင်ရ ဗိုလ်စွဲခဲ့ပါသည်။

 

  

 

ဗိုလ်လုပွဲအပြီး ဆုပေးပွဲအခမ်းအနားကို ဆက်လက်ကျင်းပရာ အမျိုးသားအကောင်းဆုံး အားကစားသမားဆုရရှိသွားသော ကျောနံပါတ်(၁၅) ကျော်လင်းအောင်(မန္တလေး)နှင့် အမျိုးသမီး အကောင်းဆုံး အားကစားသမားဆုရရှိသွားသော ကျောနံပါတ်(၆) အိအိထွန်း (စစ်ကိုင်း)တို့အား အမျိုးသားလွှတ်တော်၊ ကျန်းမာရေး ၊ အားကစား နှင့် ယဉ်ကျေးမှု ဆိုင်ရာကော်မတီအဖွဲ့ဝင် ဦးမိုင်းအုဏ်းခိုင်မှလည်းကောင်း၊ အမျိုးသမီး ဘတ်စကက်ဘော ပြိုင်ပွဲတွင် ပူးတွဲတတိယဆု ရရှိသွားသော ရှမ်းပြည်နယ်အသင်းနှင့် မကွေးတိုင်းဒေသကြီး အသင်းအား အမျိုးသားလွှတ်တော်၊ ကျန်းမာရေး ၊ အားကစား နှင့် ယဉ်ကျေးမှု ဆိုင််ရာကော်မတီအဖွဲ့ဝင် ဦးစိုင်းဝမ်းလှိုင်ခမ်းမှ လည်းကောင်း၊ ဒုုတိယဆု ရရှိသွားသော ရန်ကုန်တိုင်းဒေသကြီးအသင်းအား အမျိုးသားလွှတ်တော်၊ ကျန်းမာရေး ၊ အားကစားနှင့် ယဉ်ကျေးမှုဆိုင်ရာကော်မတီအဖွဲ့ဝင် ဒေါက်တာကျော်ငွေမှ လည်းကောင်း၊ အမျိုးသမီးပထမတံခွန်စိုက် ဆုဖလား ရရှိသွားသော စစ်ကိုင်းတိုင်းဒေသကြီးအသင်းအား အားကစားနှင့်ကာယပညာဦးစီးဌာန ဒုတိယ ညွှန်ကြားရေးမှူးချုပ် ဦးကျော်ဆန်းမှလည်းကောင်း၊ အမျိုးသား ဘတ်စကက်ဘောပြိုင်ပွဲတွင် ပူးတွဲ တတိယဆုရရှိသွားသော ရန်ကုန်တိုင်းဒေသကြီး အသင်းနှင့် ကချင်ပြည်နယ်အသင်းတို့အား အားကစားနှင့် ကာယပညာဦးစီးဌာန ညွှန်ကြားရေးမှူး ဦးသိန်းထွန်းလတ်မှ လည်းကောင်း၊ ဒုတိယဆုရရှိသွားသော မန္တလေးတိုင်းဒေသကြီး အသင်းအား အမျိုးသားလွှတ်တော်၊ ကျန်းမာရေး ၊ အားကစားနှင့်ယဉ်ကျေးမှုဆိုင်ရာ ကော်မတီ အတွင်းရေးမှူး ဒေါက်တာစန်းမောင်မောင်မှ လည်းကောင်း၊ အမျိုးသားပထမတံခွန်စိုက် ဆုဖလား ရရှိသွားသော ရှမ်းပြည်နယ်အသင်းအား ကျန်းမာရေးအားကစားဝန်ကြီးဌာန ဒုတိယဝန်ကြီး ဒေါက်တာမြလေးစိန်မှ လည်းကောင်း ဆုများအသီးသီးချီးမြှင့်ခဲ့ကြောင်းသတင်းရရှိပါသည်။