skip to content
 
ရန်ကုန်၊ ဇွန်လ(၂၁)ရက်။
 
၂၀၁၉ခုနှစ်၊ ရန်ကုန်တိုင်းဒေသကြီးအစိုးရအဖွဲ့ ၀န်ကြီးချုပ်ဖလား အသက်(၂၅)နှစ်အောက် အမျိုးသား/အမျိုးသမီး ဘတ်စကက်ဘော ပြိုင်ပွဲနှင့်3x3 ဘတ်စကက်ဘောပြိုင်ပွဲဆုချီးမြှင့်ခြင်းအခမ်းအနားကို ယနေ့နေလည်(၂)နာရီက  ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်၊ အောင်ဆန်းအားကစားပြိုင်၀င်း မိုးလုံလေလုံအားကစားရုံတွင်ကျင်းပရာ ရန်ကုန်တိုင်းဒေသကြီးအစိုးရအဖွဲ့လူမှုရေး၀န်ကြီးဦးနိုင်ငံလင်း၊ အားကစားနှင့်ကာယပညာ သိပ္ပံ(ရန်ကုန်) ကျောင်းအုပ်ကြီး ညွှန်ကြားရေးမှူး ဦးစိုးအောင်၊ ရန်ကုန်တိုင်းဒေသကြီး အားကစားနှင့်ကာယ ပညာဦးစီးဌာန ညွှန်ကြားရေးမှူး ဦးအောင်မိုး ၊ မြန်မာနိုင်ငံဘတ်စကက်ဘောအဖွဲ့ချုပ် ဒုတိယဥက္ကဋ္ဌများ နှင့်အမှုဆောင်များ၊ ဖိတ်ကြားထားသော ဧည့်သည်တော်များနှင့်ဆုရအားကစားသမားများ တက်ရောက်ကြသည်။
 
 
ဗိုလ်လုပွဲများအပြီးတွင် ရန်ကုန်တိုင်းဒေသကြီးအားကစားနှင့်ကာယပညာဦးစီးဌာန ညွှန်ကြားရေးမှူး ဦးအောင်မိုး ၊ မြန်မာနိုင်ငံဘတ်စကက်ဘောအဖွဲ့ချုပ်မှ ဒုတိယဥက္ကဋ္ဌများနှင့် အမှုဆောင်များက  3x3  ဘတ်စကက်ဘောပြိုင်ပွဲတွင် တတိယဆုရရှိသော Nan Pyar  အသင်း၊ ဒုတိယဆုရရှိသော Step Up အသင်းနှင့် ပထမဆုရရှိသော သမန်းကျားအသင်း တို့အားတစ်ဦးချင်းဆု ငွေသားဆုနှင့်တံခွန်စိုက်ဆုတို့ကို ပေးအပ်၍လည်းကောင်း၊ 3x3  အမျိုးသား ဘတ်စကက်ဘောပြိုင်ပွဲတွင် တတိယဆုရ Eleven  အသင်း၊ ဒုတိယဆုရ CLover  အသင်းနှင့် ပထမဆုရရှိသော Spitfire အသင်းတို့အား တစ်ဦးချင်းဆု ငွေသားဆုနှင့် တံခွန်စိုက်ဆုတို့ကို ပေးအပ်၍လည်းကောင်း၊ အသက်(၂၅)နှစ်အောက်အမျိုးသမီးပြိုင်ပွဲတွင် တတိယဆုရJam Jam  အသင်း၊ ဒုတိယဆုရ One အသင်းနှင့် ပထမဆုရရှိသော KSA အသင်းတို့အား တစ်ဦးချင်းဆု တို့ကို ပေးအပ်၍လည်းကောင်း၊ အသက်(၂၅)နှစ်အောက် အမျိုးသားပြိုင်ပွဲတွင် တတိယဆုရNyi A Ko အသင်း၊ ဒုတိယဆုရ Clover အသင်းနှင့် ပထမဆုရရှိသော Spitfire အသင်းတို့အား တစ်ဦးချင်းဆု တို့ကို ပေးအပ်၍လည်းကောင်း၊      အားကစားနှင့်ကာယပညာသိပ္ပံ(ရန်ကုန်)ကျောင်းအုပ်ကြီး ညွှန်ကြားရေးမှူး ဦးစိုးအောင် က အသက်(၂၅)နှစ်အောက် အမျိုးသမီးပြိုင်ပွဲတွင် အကောင်းဆုံးပြန်ကျဘောဖမ်းသူဆုရ KSA အသင်းမှ ကျောနံပါတ်(၁၄) အေးသီတာထွန်း၊ အကောင်းဆုံးခံစစ်ကစားသူဆုရ One အသင်း မှ ကျောနံပါတ်(၇)ဆုထက်ထက်ခိုင် နှင့် ပွဲစဉ်တစ်လျှောက် အကောင်းဆုံးအားကစားသမားဆုရ KSA အသင်းမှ ကျောနံပါတ်(၅)မြတ်သင်းမွေး၊ အသက်(၂၅)နှစ်အောက်အမျိုးသားပြိုင်ပွဲတွင် အကောင်းဆုံးပြန်ကျဘောဖမ်းသူဆုရ Nyi A Ko  အသင်းမှ ကျောနံပါတ်(၀) ထွဋ်ကို၊ အကောင်းဆုံးခံစစ်ကစားသူဆုရSpitfire အသင်း မှ ကျောနံပါတ်(၁၅)ကောင်းခန့်ထွဋ် နှင့် ပွဲစဉ်တစ်လျှောက် အကောင်းဆုံးအားကစားသမားဆုရ Spitfire  အသင်းမှ ကျောနံပါတ် (၀)လူဇော်အောင် ဆုတံဆိပ်နှင့်အတူ ငွေသားဆုများကို အသီးသီးပေးအပ်ချီးမြှင့်ခဲ့ပြီး ရန်ကုန်တိုင်း ဒေသကြီးအစိုးရအဖွဲ့ ၀န်ကြီးချုပ်ကိုယ်စား လူမှုရေး၀န်ကြီး ဦးနိုင်ငံလင်းက အသက်(၂၅) နှစ်အောက်  အမျိုးသမီးပြိုင်ပွဲတွင် တတိယဆုရရှိသော Jam Jam အသင်း၊ ဒုတိယဆုရရှိသော One အသင်းနှင့် ပထမဆုရရှိသွားသော KSA အသင်းတို့အား တံခွန်စိုက်ဆုဖလားနှင့်ငွေသား ဆုများပေးအပ်ချီးမြှင့်၍လည်းကောင်း၊ အသက်(၂၅)နှစ်အောက် အမျိုးသားပြိုင်ပွဲတွင် တတိယ ဆုရ  Nyi A Ko အသင်း၊ ဒုတိယ Clover  အသင်းနှင့် ပထမဆုရရှိသွားသော Spitfire အသင်းတို့အား တံခွန်စိုက်ဆုဖလားနှင့်အတူ ငွေသားဆုများကို ပေးအပ်ချီးမြှင့်ခဲ့ကြောင်းသိရှိ ရသည်။
  • 4 reads
  • Printer-friendly version

back to top
Eng