ရန်ကုန်၊ နို၀င်ဘာလ(၂၉)ရက်။
ဖိလစ်ပိုင်နိုင်ငံတွင်နို၀င်ဘာလ(၃၀)ရက်နေ့မှ ဒီဇင်ဘာလ(၁၁) ရက်နေ့ အထိကျင်းပပြုလုပ်မည့် (၃၀)ကြိမ်မြောက်အရှေ့တောင် အာရှ အားကစားပြိုင်ပွဲဖွင့်ပွဲ အခမ်းအနားသို့ တက်ရောက်ရန် အားကစားနှင့်ကာယပညာဦးစီးဌာန ဒုတိယညွှန်ကြားရေးမှူးချုပ် ဦးကျော်ဆန်း၊ မြန်မာနိုင်ငံအလေးမအဖွဲ့ချုပ်ဥက္ကဋ္ဌဦးဥဂ္ဂါအေးနှင့် အလေးမအဖွဲ့မှ (၇)ဦး၊ ကြက်တောင်အဖွဲ့မှ (၆)ဦး၊ ဘတ်စကက်ဘော ၃x၃ အဖွဲ့မှ (၁၀)ဦး၊ နပန်းအဖွဲ့မှ (၂)ဦး၊ သေနတ်ပစ်အဖွဲ့မှ (၂)ဦး၊ တင်းနစ်အဖွဲ့ (၆)ဦး၊ ဝူရှူးအဖွဲ့(၁၆)ဦး၊ဘိုးလင်းအဖွဲ့(၆)ဦး၊ ကနူး/ကယက်အဖွဲ့(၁၀)ဦး၊ ပိုက်ကျော်ခြင်းအဖွဲ့(၁၄)ဦး စုစုပေါင်း(၈၁)ဦးတို့သည် ယနေ့နံနက်ပိုင်းက ရန်ကုန် အပြည်ပြည်ဆိုင်ရာ လေဆိပ်မှ ထွက်ခွာသွားရာ အားကစားနှင့်ကာယပညာသိပ္ပံ(ရန်ကုန်) ကျောင်းအုပ်ကြီး ညွှန်ကြားရေးမှူး ဦးစိုးအောင်၊ ရန်ကုန်တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူးဦးအောင်မိုးနှင့် အားကစား နှင့်ကာယပညာဦးစီးဌာန တာ၀န်ရှိပုဂ္ဂိုလ်များ၊ မြန်မာနိုင်ငံလှေလှော် အဖွဲ့ချုပ်ဥက္ကဋ္ဌ ဦးသောင်းထိုက်မင်းနှင့် အမှုဆောင်များ၊ မြန်မာနိုင်ငံ ခြင်းလုံးအဖွဲ့ချုပ်နှင့် ပိုက်ကျော်ခြင်းအဖွဲ့ချုပ် ဒုတိယဥက္ကဋ္ဌဦးရဲအောင် နှင့်အမှုဆောင်များ၊ မိဘဆွေမျိုးများ က ပို့ဆောင် နှုတ်ဆက်ခဲ့ကြကြောင်း သိရှိရသည်။
