skip to content
 
ရန်ကုန်၊ သြဂုတ်လ(၇)ရက်။
 
ကျန်းမာရေးနှင့်အားကစား၀န်ကြီးဌာန၊ ပြည်ထောင်စု၀န်ကြီးနှင့်ဒုတိယ၀န်ကြီးတို့၏လမ်းညွှန်ချက်အရ  အားကစားနှင့်ကာယပညာဦးစီးဌာန ညွှန်ကြားရေးမှူးချုပ်၏တာ၀န်ပေးမှုဖြင့် အားကစားနှင့်ကာယပညာဦးစီးဌာန ဒုတိယညွှန်ကြားရေးမှူးချုပ် ဦးထွန်းမြင့်ဦးနှင့်ဦးကျော်ဦးတို့သည် ၂၀၁၉ခုနှစ်၊ ဖိလစ်ပိုင်နိုင်ငံတွင် နို၀င်ဘာလ(၃၀)ရက်နေ့မှ ဒီဇင်ဘာလ(၁၁)ရက်နေ့အထိကျင်းပပြုလုပ်မည့် (၃၀)ကြိမ်မြောက် အရှေ့တောင်အာရှအားကစားပြိုင်ပွဲအတွက် ရန်ကုန်မြို့တွင် စခန်း၀င်လေ့ကျင့်လျက်ရှိသော အားကစားအဖွဲ့ချုပ်များအား ယမန်နေ့နံနက်(၇) နာရီကရန်ကုန်မြို့အင်းယားကန်ရှိ မြန်မာနိုင်ငံလှေလှော်အဖွဲ့ချုပ်သို့ရောက်ရှိကာ  နည်းပြ/အုပ်ချုပ်သူ(၁၃)ဦး၊ အမျိုးသားအားကစားသမား(၅၃)ဦး၊ အမျိုးသမီးအားကစားသမား(၄၅)ဦး စုစုပေါင်း(၁၁၁)ဦး စခန်းသွင်းလေ့ကျင့်လျက်ရှိသော အားကစားသမားများအား လေ့ကျင့်မှုနှင့်စံချိန်များကိုကြည့်ရှု၍လည်းကောင်း၊ ကျိုက္ကဆံမြားပစ်ကွင်းရှိ  မြန်မာနိုင်ငံမြားပစ်အဖွဲ့ချုပ်၌ နည်းပြ/အုပ်ချုပ်သူ(၉)ဦး၊ အမျိုးသားအားကစားသမား(၁၅)ဦး၊ အမျိုးသမီးအားကစားသမား(၁၅)ဦး စုစုပေါင်း(၃၉)ဦး စခန်းသွင်းလေ့ကျင့်လျက်ရှိသော အားကစားသမားများအား လေ့ကျင့်မှုနှင့်စံချိန်များကို ကြည့်ရှု၍လည်းကောင်း၊ ဒဂုံမြို့သစ်မြောက်ပိုင်းရှိ မြန်မာနိုင်ငံသေနတ်ပစ်အဖွဲ့ချုပ်၌ အုပ်ချုပ်/နည်းပြ(၁၁)ဦး၊ အမျိုးသားအားကစားသမား(၁၆)ဦး၊ အမျိုးသမီးအားကစားသမား(၅)ဦး၊ စုစုပေါင်း(၃၂)ဦး စခန်းသွင်းလေ့ကျင့်လျက်ရှိသော အားကစားသမားများအား လေ့ကျင့်မှုနှင့်စံချိန်များကိုကြည့်ရှု၍လည်းကောင်း၊ ဦး၀ိစာရလမ်း အမျိုးသားရေကူးကန်ရှိ  မြန်မာနိုင်ငံဂျူဒိုအဖွဲ့ချုပ်၌ နည်းပြ/အုပ်ချုပ်သူ(၆)ဦး၊ အမျိုးသားအားကစားသမား(၁၆)ဦး၊ အမျိုးသမီးအားကစားသမား(၁၆)ဦး စုစုပေါင်း(၃၈)ဦး စခန်းသွင်းလေ့ကျင့်လျက်ရှိသော အားကစားသမားများအား လေ့ကျင့်မှုနှင့်စံချိန်များကိုကြည့်ရှု၍လည်းကောင်း၊ မြန်မာနိုင်ငံစားပွဲတင်တင်းနစ်အဖွဲ့ချုပ်၌ နည်းပြ/အုပ်ချုပ်သူ(၃)ဦး၊ အမျိုးသားအားကစားသမား(၁၇)ဦး၊ အမျိုးသမီးအားကစားသမား(၅)ဦး စုစုပေါင်း(၂၅)ဦးတို့သည် စခန်းသွင်းလေ့ကျင့်လျက်ရှိသော အားကစားသမားများ၏ နေထိုင်၊စားသောက်၊လေ့ကျင့်နေမှုများနှင့် စံချိန်များကို ကြည့်ရှု၍သက်ဆိုင်ရာအားကစားအဖွဲ့ချုပ်များ၏တာ၀န်ရှိပုဂ္ဂိုလ်များနှင့် လိုအပ်ချက်များကို ညှိနှိုင်းပေါင်းစပ်ပေးရာ ပြိုင်ပွဲနီးကပ်လာသည့်အတွက် အားကစားသမားများမှ စနစ်တကျနှင့် လေ့ကျင့်သားပြည့်၀စေရေး လေ့ကျင့်သွားကြရန်  အားကစားသမားများအနေဖြင့် လိုအပ်ချက်များရှိပါကအချိန်နှင့်တစ်ပြေးညီ တင်ပြပေးရန်နှင့် မိမိတို့အနေဖြင့် အထက်လူကြီးများထံ တင်ပြခွင့်ပြုချက်ရယူပြီး ဆောင်ရွက်ပေးသွားမည်ဖြစ်ပါကြောင်း အားပေးစကားပြောကြားခဲ့သည်။
ဆက်လက်၍ ဒုတိယညွှန်ကြားရေးမှူးချုပ်များသည်  မြန်မာနိုင်ငံလှေလှော်အဖွဲ့ချုပ်မှ ကနူး/ကယက် အားကစားနည်း၌ကစားနေသော အောင်မျိုးသူသည် ရန်ကုန်ပြည်သူ့ဆေးရုံကြီးတွင် ဆေးကုသမှုခံယူနေရာ အရေးပေါ်ဌာနသို့ သွားရောက်၍ စစ်ဆေးကြည့်ရှုအားပေးစကား ပြောကြားခဲ့ကြောင်းသတင်းရရှိသည်။
 
 
  • 11 reads
  • Printer-friendly version

back to top
Eng