skip to content
 
ရန်ကုန်၊ စက်တင်ဘာလ (၁၀) ရက်။      
 
ကျန်းမာရေးနှင့်အားကစား၀န်ကြီးဌာနနှင့် မြန်မာနိုင်ငံကြက်တောင်အဖွဲ့ချုပ်တို့ပူးပေါင်းကျင်းပပြီး မြန်မာနိုင်ငံကအိမ်ရှင်အဖြစ်လက်ခံကျင်းပသည့် Myamar International Series 2019 ကြက်တောင်ပြိုင်ပွဲကို ယနေ့နံနက် ၉ နာရီအချိန်က ရန်ကုန်တိုင်းဒေသကြီး လမ်းမတော်မြို့နယ်၊ အမှတ် ၃၂၀-၃၃၂၊ အနော်ရထားလမ်းရှိ အမျိုးသားကြက်တောင်အားကစားခန်းမ၌စတင်ကျင်းပရာ အမျိုးသားတစ်ဦးချင်းပြိုင်ပွဲတွင် အင်ဒိုနီးရှားက မလေးရှားအား (၂)ပွဲပြတ်ဖြင့် လည်ကောင်း၊ ထိုင်းအသင်းက မလေးရှားအား (၂ )ပွဲပြတ်ဖြင့်လည်ကောင်း၊ မလေးရှားက အင်ဒိုနီရှားအား (၂ ပွဲ ၊ ၁ပွဲ)ပြတ်ဖြင့်လည်ကောင်း၊ အင်ဒိုနီရှားက ဥဇဘက်ကစ္စတန်အား (၂ ပွဲ ၁ ပွဲ)ဖြင့်လည်ကောင်း၊ မလေးရှားက ထိုင်းအား (၂ ပွဲ ၁ ပွဲ)ဖြင့်လည်ကောင်း၊ တရုတ်တိုင်ပေက မြန်မာအား (၂)ပွဲပြတ်ဖြင့်လည်ကောင်း၊ မလေးရှားက တရုတ်တိုင်ပေအား (၂ ပွဲ ၁ ပွဲ)ဖြင့်လည်ကောင်း၊ အိန္ဒိယက မြန်မာအား(၂)ပွဲပြတ်ဖြင့်လည်ကောင်း၊ ထိုင်းက မလေးရှားအား (၂ ပွဲ ၁ ပွဲ)ဖြင့်လည်ကောင်း၊ အင်္ဂလန်က မလေးရှားအား (၂ ပွဲ ၁ ပွဲ)ဖြင့်လည်ကောင်း၊ မလေးရှားက မြန်မာအား(၂)ပွဲပြတ် ဖြင့်လည်ကောင်း၊ အိန္ဒိယက မလေးရှားအား (၂)ပွဲပြတ်ဖြင့်လည်ကောင်း၊ အင်ဒိုနီရှားက ထိုင်းအား (၂)ပွဲပြတ်ဖြင့်လည်ကောင်း၊ ထိုင်းက မလေးရှားအား (၂)ပွဲ ပြတ်ဖြင့်လည်ကောင်း၊ မလေးရှားကဆိုက်ပရက်(စ်)အား (၂)ပွဲပြတ်ဖြင့်လည်ကောင်း၊ အိန္ဒိယက ဥဇဘက်ကစ္စတန်အား (၂)ပွဲပြတ်ဖြင့်လည်ကောင်း၊မလေးရှားက မြန်မာအား (၂)ပွဲပြတ်ဖြင့်လည်ကောင်း၊မလေးရှားက ထိုင်းအား(၂)ပွဲပြတ်ဖြင့် လည်ကောင်း၊ အိန္ဒိယကထိုင်းအား (၂)ပွဲပြတ်ဖြင့်လည်ကောင်း၊ မလေးရှားက အင်္ဂလန်အား (၂)ပွဲပြတ်ဖြင့်လည်ကောင်း၊ အိန္ဒိယက မလေးရှားအား (၂)ပွဲပြတ်ဖြင့် လည်ကောင်း၊ မလေးရှားက အင်္ဂလန်အား(၂)ပွဲပြတ်ဖြင့်လည်ကောင်း၊ အိန္ဒိယကမြန်မာအား (၂ ပွဲ ၁ပွဲ)ဖြင့်လည်ကောင်း၊ထိုင်းက မလေးရှားအား (၂)ပွဲပြတ်ဖြင့်လည်ကောင်း၊ မလေးရှားက သြစတေးလျအား (၂)ပွဲပြတ်ဖြင့်လည်ကောင်း၊ မြန်မာက မလေးရှားအား (၂ ပွဲ ၁ ပွဲ)ဖြင့် လည်ကောင်း၊ မလေးရှားက အိန္ဒိယအား (၂ ပွဲ ၁ပွဲ)ဖြင့်လည်ကောင်း၊ တရုတ်တိုင်ပေက ထိုင်းအား (၂)ပွဲပြတ်ဖြင့် အသီသီအနိုင်ရရှိသွားရာ စက်တင်ဘာလ (၁၁)ရက်နေ့တွင် အမျိုးသား(၂)ယောက်တွဲ ပြိုင်ပွဲများ ဆက်လက်ကျင်းပသွားမှာဖြစ်ပြီး အဆိုပါ ပြိုင်ပွဲကြီးသည် ကမ္ဘာ့အဆင့်သတ်မှတ်ချက် အမှတ်ပေးပြိုင်ပွဲဖြစ်သည့်အပြင် အိုလံပစ်ပြိုင်ပွဲသို့ ၀င်ရောက်ယှဉ်ပြိုင်ရာတွင် အခြေပြုသောပွဲကြီးဖြစ်သည့်အားလျော်စွာ ကမ္ဘာတစ်ဝှမ်းမှ ကမ္ဘာ့အဆင့်ရှိ အားကစားသမားများ ၀င်ရောက်ယှဉ်ပြိုင်ကြသော နိုင်ငံပေါင်း (၁၂)နိုင်ငံမှ ပါ၀င်ယှဉ်ပြိုင်ခဲ့ကြသည်။
 
အဆိုပါပြိုင်ပွဲသို့ ရန်ကုန်တိုင်းဒေသကြီး အစိုးရအဖွဲ့လွှတ်တော် ဒုတိယဥက္ကဋ္ဌ ဦးလင်းနိုင်မြင့်၊ မြန်မာနိုင်ငံကြက်တောင်အဖွဲ့ချုပ်နာယကနှင့် အဖွဲ့ချုပ်ဥက္ကဋ္ဌ ဦးအောင်ပိုင်၊ အမှုဆောင်များနှင့် ကြက်တောင်အားကစား၀ါသနာရှင်များ ကြည့်ရှုအားပေးကြသည်။ ပြိုင်ပွဲသို့ မည်သူမဆို အခမဲ့၀င်ရောက်ကြည့်ရှုအားပေးနိုင်ကြောင်း သတင်းရရှိပါသည်။
 
  • 4 reads
  • Printer-friendly version

back to top
Eng